CUTI + BBQ

Saturday, June 28, 2008

SSSSSSSSSSIIIIIIIIUUUUUUKKKKKK EH~~~ suka ku kemarin… SIUKKK~~ Siuk bah.. Ooopss.. sorry for my excitement. Luan siuk sudah bah… bah eh.. malas ku kan ceta eh… apa lagi baca ani? Kan mau tau jua kah? Banar? Napa masih baca ani kan? Banar mau tau? Sungguh2? Betul2? Eh majal… bah baca tah saja… AHAHAHAHA

Kemarin patang aku antar adikku ke class tuitionnya… Sementara tunggu ia abis class atu, aku round2 lah sama adikku yg lain and sepupuku… batah bah udah inda round2 di tutong ani… then, tarus ku ke Petani Mall.. kan liat2 apa ada di sana sal sepupuku ckap ada expo di sna… sampai ja di sana, rupanya bukan expo… No Drugs at ALL (NDA) campaign panya… suspend… bgus jua lah durang mengadakan kempen2 cemani untuk menyedarkan orang ramai tentang bahayanya dadah… Sampat ku tulis pat kain rentang atu.. hehe..JAUHI LAH DADAH

Lapas dari sana aku ke Central Mall… round2 sambil liat-liat orang… then terliat ku dua orang bini2 bejalan di dapan… indaku ingau… ku liat2 gi urg2 yg ada di sana.. Sekali ada bini2 ani tagur “Hai bob”. Ku liat aranya… mcm banggang lagi aku tu.. heran jua ku sapa yg menagur aku… rupa2nya bini2 yg ku liat tadi… ku liat ia banar2… ASTE~~~ SI QIS PANYA!! Sorry Qis indaku prasan kau panya… LAGGING BANAR JUA KU TU~~ AHAHA Then, ke WyWy ku online di sana… terjumpa ku si lim.. batah dah inda ku jumpa anak ani lapas dri form 6.. ceta2 skajap pastu online balik…

Aku ambil adikku balik di tempat tuitionnya dlm kul 5ptg catu lah… Ku liat jam.. masih awal~.. ku bawa durang meround ke pantai seri kenangan… ku parking tempat pondok kosong… then turun ke pantai… SIUKKK~~~ mcm… BATAH DAH KU INDA KE SINI… mun inda ada urg dakat2 aku masa atu.. kan ku triak “AKU CUTI~~~!!!” AHAHAHA alamak.. terlebih sudah… then balik... Sampai di rumah.. ku copy ceta jipun “For You in Full Blossom” dri sepupuku.. ada jua kn ku liat time cuti ani…

Dalam kul 8.30mlm ada chin yo tipun pat hpku… katanya “Bah kesini tah… durang ada dah”. WOHOHO… ini bukan surprise bday or apa2 yg sewaktu dengannya… ini ada lah BBQ party for bOguS Family and kawan2 yg terdekat. Rumah chin yo jadi mangsa =D inda lagi virgin rumahmu yo AHAHAHA then nazmi datang bawa ayam2 and yg sewaktu dengannya untuk di panggang… Pjul sibuk sudah idupkan api… yg lain sibuk dengan ramuan2 untuk panggang… batah2 nunggu panggang atu… sorang2 buka cerita… ceta pasal X, ceta pasal Y, ceta pasal Z. PACAH BANAR EH KETAWA KAMI DI MALAM AH! AHAHA Si Ajid gi suka nyakat chin yo… soalan2nya gi pacah~~ AHAHAHA Nazmi gi skali skala dengan guyang inulnya untuk memeriahkan keadaan… dah tu ia confess yg ia lesbo AHAHAHAHA pacah2…

Dalam kul 11.45pm msuk lgi kami pat dalam rumah… dalam rumah lagi tia pacah nah… berkaraoke. Si Ajid, pjul and fir jadi penyanyi… lawa suara durang nyanyi lagu “Laskar Cinta”. Sibuk2 durang nyanyi.. kmi main ‘Big 2’… ada yg main piano, ada yg surfing… ada yg stripping.. Sherman, nazmi, chin yo and me minum red wine… yg lain INDA BULEH =D

Kira-kira jam 3.30am bru kami berangkat dari rumah chin yo… acara di tutup dengan sesi begambar ramai AHAHAHA mesti ni… more info pat our bOguSan’s blog soon. Siuk eh! Two thumbs up!

Bah eh.. udah tah ku… macam panjang udah cetaku ani… apa? boring? Udah jua ku gtau jgn tah di baca tdi =P SELAMAT BERCUTI KEPADA SEMUA ITBIANS… Congratz yg lulus exam… yg gagal, berusaha lagi… Ok adios…

Inda dapat teriak, jadi tah dgn buat perkataan 'CUTI' ani =P

Kata2 dan autograph mereka...

creative... NO DRUGS PLZ

Perangi dadah... panjang jua kainnya ani...

Sibuk dengan bahan2 rempah untuk panggang

Pjul ready2 dengan arangnya... Ajid men PSP...
Buzz menyalai... eh napa arang atu warna papal?
Yummy!!

Makan.. ambil lagi.. banyak lagi tu...

Sherman and buzz

"Pasal arang mu luan banyak iatah ayam jadi itam ni!" AHAHAHA


red wine..

Nazmi and fir saja2 kan posing hehe

concentrate ya..

Ajid gtau tentang rules sebelum berkaraoke.. "Yang lawa suaranya msuk P2F" AHAHA

Laskar cinta... na na na.. inda ku hafal lagunya =D

2 comments

  1. uina siuknya makan bbq..lagi cuti ya bob...g mana result examnya heheh...

    ReplyDelete
  2. siuk!! hehe aku tak ada exam semester ini... semester depan baru ada (O_o)

    ReplyDelete

 

Popular Posts

Visits

web traffic statistics

Recent comments